ഡിവൈന്‍ മേഴ്‌സി ഷ്‌റൈന്‍: ദൈവകരുണയുടെ തിരുനാള്‍ നാളെ  

തൊടുപുഴ: പ്രശസ്ത തീര്‍ത്ഥാടന കേന്ദ്രമായ ഡിവൈന്‍ മേഴ്‌സി ഷ്‌റൈന്‍ ഓഫ് ഹോളി മേരിയില്‍ ദൈവകരുണയുടെ തിരുനാള്‍ നാളെ ആഘോഷിക്കും. ഇന്നു രാവിലെ 5.45നു വിശുദ്ധ കുര്‍ബാന, നൊവേന. 9.30നു ദൈവകരുണയുടെ നൊവേന, ലദീഞ്ഞ്, കൊടിയേറ്റ്. തുടര്‍ന്നു വിശുദ്ധ കുര്‍ബാന, സന്ദേശം-റവ. ഡോ. സ്റ്റാന്‍ലി കുന്നേല്‍ നേതൃത്വം നല്‍കി. 4.30നു ദൈവകരുണയുടെ നൊവേന. അഞ്ചിനു വിശുദ്ധ കുര്‍ബാന, കര്‍ദിനാള്‍ മാര്‍ ജോര്‍ജ് ആലഞ്ചേരി സന്ദേശം നല്‍കി.

നാളെ രാവിലെ 5.30, 7.30, 9.30, 11.30 എന്നീ സമയങ്ങളില്‍ വിശുദ്ധ കുര്‍ബാന നടക്കും. രാവിലെ 5.30ന് നടക്കുന്ന വിശുദ്ധ കുര്‍ബാനയെത്തുടര്‍ന്നു വാഹന വെഞ്ചരിപ്പ്. വൈകുന്നേരം 4.45ന് ആഘോഷമായ വിശുദ്ധ കുര്‍ബാന, മാര്‍ ജോര്‍ജ് മഠത്തിക്കണ്ടത്തില്‍ സന്ദേശം നല്‍കും.തുടര്‍ന്ന് മാരിയില്‍കലുങ്ക്, കെഎസ്ആര്‍ടിസി ബസ്സ്റ്റാന്റ്-കോതായിക്കുന്ന്- പാലാ റോഡിലൂടെ തിരിപ്രദക്ഷിണം.പാച്ചോര്‍ നേര്‍ച്ചയോടെ തിരുനാള്‍ ആഘോഷങ്ങള്‍ സമാപനമാകുമെന്ന് റെക്ടര്‍ ഫാ. ജോര്‍ജ് ചേറ്റൂര്‍ അറിയിച്ചു.