ആവേശമായി ഡീന്‍ കുര്യാക്കോസിന്റെ ദേവികുളം മണ്ഡലം പര്യടനം
കുറത്തികുടിയില്‍ നിന്നും ആരംഭിച്ച പര്യടനം ആനച്ചാലിയായിരുന്നു സമാപിച്ചത്. ഓരോ കേന്ദ്രങ്ങളിലും ജനങ്ങള്‍ സ്ഥാനാര്‍ഥിക്ക് ഗംഭീര വരവേല്‍പ്പ് നല്‍കി
തൊടുപുഴ: യുഡിഎഫ് സ്ഥാനാര്‍ത്ഥി ഡീന്‍ കുര്യാക്കോസ് ദേവികുളം മണ്ഡലത്തിലെ വിവിധ കേന്ദ്രങ്ങളില്‍ ഇന്നലെ പര്യടനം നടത്തി. രാവിലെ കുറത്തികുടിയില്‍നിന്നായിരുന്നു ഡീന്‍ കുര്യാക്കോസിന്റെ പര്യടനം ആരംഭിച്ചത്. പിന്നീട് മാങ്കുളം, പള്ളിവാസല്‍, ബൈസണ്‍വാലി പഞ്ചായത്തുകളില്‍ നടത്തിയ പര്യടനത്തിന് ഉജ്ജ്വല സ്വീകരണമാണ് ലഭിച്ചത്. തുടര്‍ന്ന് ആനക്കുളം, ചിക്കണംകുടി, കുവൈറ്റ് സിറ്റി, മാങ്കുളം സെന്‍ട്രല്‍, കുരിശുപാറ, കല്ലാര്‍, കന്പിലൈന്‍, ആനവിരട്ടി, അമ്പഴച്ചാല്‍ എന്നിവിടങ്ങളിലും പര്യടനം നടത്തി. ഓരോ കേന്ദ്രങ്ങളിലും നൂറുകണക്കിനാളുകള്‍ സ്ഥാനാര്‍ഥിയെ സ്വീകരിച്ചു. ആനക്കുളത്ത് യുഡിഎഫ് ജില്ല ചെയര്‍മാന്‍ ജോയി വെട്ടിക്കുഴി പര്യടനം ഉദ്ഘാടനം ചെയ്തു.സാജു ജോസ് അധ്യക്ഷത വഹിച്ചു. പ്രഫ.എം.ജെ.ജേക്കബ്, കെ.എ. സിയാദ്, എം.ബി സൈനുദീന്‍, ഒ.ആര്‍. ശശി, എ.പി. ഉസ്മാന്‍, പി.വി. സ്‌കറിയ തുടങ്ങിയവര്‍ പങ്കെടുത്തു.
തൊഴിലാളികളും യുവാക്കളും സ്ത്രീകളും കുട്ടികളും ഉള്‍പ്പെടെ ഓരോ കേന്ദ്രങ്ങളിലും സ്ഥാനാര്‍ഥിക്ക് ഗംഭീര വരവേല്‍പ്പ് നല്‍കി. തോക്കുപാറ, 20 ഏക്കര്‍, പൊട്ടന്‍കാട്, ടീ കന്പനി, ബൈസണ്‍വാലി, അന്പുകട, ചോക്രമുടി, സൊസൈറ്റിമേട് എന്നിവിടങ്ങളിലും പര്യടനം നടത്തി.കോമാളിക്കുടി, അന്പലപ്പടി, 40 ഏക്കര്‍, കൊച്ചുപ്പ്, എല്ലക്കല്ല്, കുഞ്ചിതണ്ണി എന്നിവിടങ്ങളിലെ സ്വീകരണത്തിനുശേഷം ആനച്ചാലിലായിരുന്നു പര്യടനം സമാപിച്ചത്.
What's Your Reaction?
