തൊടുപുഴയിൽ വ്യാപാര സ്ഥാപനത്തിന് തീപിടിച്ച് ലക്ഷങ്ങളുടെ നഷ്ടം

തൊടുപുഴയിൽ വ്യാപാര സ്ഥാപനത്തിന്    തീപിടിച്ചു .കാരിക്കോട് പ്രവർത്തിക്കുന്ന അമ്പാടി സ്റ്റോഴ്‌സിനാണ് തീപിടിച്ചത് . വെളുപ്പിന് 3.40 ഓടെയാണ് തീപിടുത്തമുണ്ടായത് .

സമീപ കടയിലെ തൊഴിലാളികളാണ് അസാധാരണമായ രീതിയിൽ പുക ഉയരുന്നത് കണ്ടതും  വിവരം അടുത്തുള്ളവരെ അറിയിച്ചതും . തുടർന്ന് ഫയർ  ഫോഴ്‌സിനെ വിവരം അറിയിക്കുകയായിരുന്നു .  സന്ദേശം ലഭിച്ചതിനെ തുടർന്ന് തൊടുപുഴ ഫയർഫോഴ്സ് സംഘം സ്ഥലത്തെത്തുകയും സ്ഥിതി നിയന്ത്രണ വിധേയമാക്കുവാൻ ശ്രമിക്കുകയും ചെയ്തു.

കൂടുതൽ സുരക്ഷക്കായി കല്ലൂർക്കാട് നിന്നും ഫയർഫോഴ്‌സ് യൂണിറ്റും എത്തിയിരുന്നു . തൊടുപുഴ ഫയർ സ്റ്റേഷൻ ഓഫീസർ അബ്‌ദുൾ സലാമിന്റെ നേതൃത്വത്തിലുള്ള സംഘമാണ് തീ നിയത്രണവിധേയമാക്കിയത് .കടയുടെ പിന് ഭാഗത്താണ് തീ ഉയർന്നത് .

 ലക്ഷങ്ങളുടെ നഷ്ടമാണ് കണക്കാക്കപ്പെടുന്നത് .ഷോർട്ട് സർക്യൂട്ടാണ് അപകട കാരണമെന്നാണ് പ്രാഥമിക നിഗമനം.ഒരു വീട്ടിലേക്ക്  ആവശ്യാമായ ഒട്ടുമിക്ക എല്ലാ സാധനങ്ങളും ലഭിക്കുന്ന തൊടുപുഴയിലെ പ്രധാനപ്പെട്ട കടയാണ് അമ്പാടി സ്റ്റോഴ്സ് .

വീഡിയോ കാണാൻ ... https://fb.watch/pRLLTBB_d5/