ദീനദയ സേവാ ട്രസ്റ്റ്  കോലാനി ഗോകുലം ബാലഭവനിൽ ഓണോത്സവം സംഘടിപ്പിച്ചു .

ദീനദയ സേവാ ട്രസ്റ്റ്  കോലാനി ഗോകുലം ബാലഭവനിൽ ഓണോത്സവം സംഘടിപ്പിച്ചു . തൊടുപുഴ സ്മിത ഹോസ്പിറ്റൽ CEO .ഡോ.രാജേഷ് നായർ ആഘോഷ പരിപാടികൾ  ഉദ്ഘാടനം ചെയ്തു.ചടങ്ങിൽ ഡോ.എൻ.നാരായണൻ നമ്പൂതിരി മുഖ്യ പ്രഭാഷണം നടത്തി

ദീനദയാ സേവാ ട്രസ്റ്റ് ആഭിമുഖ്യത്തിൽ  കോലാനി നിവാസികളുടെ സഹകരണത്തോടെയാണ്  കോലാനി ഗോകുലം ബാലഭവനിൽ ഓണോത്സവം 2024 സംഘടിപ്പിച്ചത് .

ട്രസ്റ്റിന് കീഴിലുള്ള ഗോകുലം ബാലഭവൻ, ദീനദയ പാലിയേറ്റീവ് ഹോം കെയർ സർവ്വീസ്, സുദർശനം സ്പെഷ്യൽ ഡേകെയർ സെൻ്റർ, ദീനദയ സോഷ്യൽ ഡെവലപ്മെൻ്റ് സൊസൈറ്റി എന്നിവ സംയുക്തമായി ഒരുക്കിയ  ഓണോത്സവം -2024 തൊടുപുഴ സ്മിത ഹോസ്പിറ്റൽ സി.ഇ.ഒ.ഡോ.രാജേഷ് നായർ ഉത്ഘാടനം ചെയ്തു.

കൂത്താട്ടുകുളം ശ്രീധരീയം ഹോസ്പിറ്റൽ മെഡിക്കൽ ഡയറക്ടർ ഡോ.എൻ.നാരായണൻ നമ്പൂതിരി മുഖ്യ പ്രഭാഷണം നടത്തിയ ആഘോഷപരിപാടികളോട് അനുബന്ധിച്ച് ഓണക്കോടി വിതരണോദ്ഘാടനം  വാർഡ് കൗൺസിലർ കവിത വേണുവും  നിർവഹിച്ചു.

ദീനദയ സേവാ ട്രസ്റ്റ് ചെയർമാൻ പി.എൻ.എസ്.പിള്ള അധ്യക്ഷത വഹിച്ച ഓണാഘോഷപരിപാടികളിൽ പങ്കെടുത്തികൊണ്ട് ട്രസ്റ്റ് വൈസ്. ചെയർപേഴ്സൺ എസ്.ലതികാമ്മ, ചീഫ് എക്സി.ട്രസ്റ്റി കെ.പി. ജഗദീഷ് ചന്ദ്ര, ആഘോഷ കമ്മിറ്റി ചെയർമാൻ പി.കെ. മഹാദേവൻ, ആഘോഷ കമ്മിറ്റി കൺവീനർ പി.എസ്.സുധീഷ്, ഗോകുലം ബാലഭവൻ പ്രസിഡൻ്റ് വി.കെ.സദാശിവൻപിള്ള എന്നിവർ പ്രസംഗിച്ചു

 ഓണപ്പൂക്കളമൊരുക്കുകയും താളമേളങ്ങളും, പുലികളിയും, മാവേലി സന്ദർശനവും എല്ലാം പരിപാടിയ്ക്ക് കൊഴുപ്പേകി. ബാലഭവനിലേയും, സുദർശനം സ്പെഷ്യൽ സ്കൂളിലേയും കുട്ടികൾ അവതരിപ്പിച്ച വിവിധ കലാപരിപാടികളും, നൃത്തനൃത്യങ്ങളും,  തിരുവാതിര കളിയും ഒരുക്കിയായിരുന്നു ഈ വർഷത്തെ ഓണാഘോഷം അവിസ്മരണീയമാക്കിയത്