അടിമാലി എസ് എൻ ഡി പി വൊക്കേഷണൽ ഹയർ സെക്കണ്ടറി സ്കൂളിൽ മികവുത്സവം സംഘടിപ്പിച്ചു

അടിമാലി എസ് എൻ ഡി പി വൊക്കേഷണൽ ഹയർ സെക്കണ്ടറി സ്കൂളിൽ മികവുത്സവം സംഘടിപ്പിച്ചു. പാഠ്യ പാഠ്യേതര പ്രവർത്തനങ്ങളിൽ മികവു പുലർത്തിയ വിദ്യാർത്ഥികളെ ചടങ്ങിൽ അനുമോദിച്ചു.എസ് എൻ ഡി പി യോഗം സ്കൂൾസ് എഡ്യൂക്കേഷണൽ സെക്രട്ടറി ഇ ജി ബാബു പരിപാടി ഉദ്ഘാടനം ചെയ്തു.

2023-  2024 അധ്യായന വർഷം പാഠ്യ പാഠ്യേതര പ്രവർത്തനങ്ങളിൽ മികവ് പുലർത്തിയ വിദ്യാർത്ഥികളെ അനുമോദിക്കാൻ ലക്ഷ്യമിട്ടായിരുന്നു അടിമാലി എസ് എൻ ഡി പി വൊക്കേഷണൽ ഹയർ സെക്കണ്ടറി സ്കൂളിൽ മികവുത്സവം 2024 സംഘടിപ്പിച്ചത്. എസ് എൻ ഡി പി യോഗം സ്കൂൾസ് എഡ്യൂക്കേഷണൽ സെക്രട്ടറി ഇ ജി ബാബു യോഗം ഉദ്ഘാടനം ചെയ്തു.

മാനേജ്മെൻ്റ് പ്രതിനിധി ബിജു മാധവൻ അധ്യക്ഷത വഹിച്ചു. ഇടുക്കി ഡി വൈ എസ് പി ജിൽസൺ മാത്യു അനുമോദനവും അവാർഡ് വിതരണവും നിർവ്വഹിച്ചു. അടിമാലി ബ്ലോക്ക് പഞ്ചായത്ത് പ്രസിഡൻ്റ് സോമൻ ചെല്ലപ്പൻ മുഖ്യപ്രഭാഷണം നടത്തി.

 അടിമാലി ഗ്രാമ പഞ്ചായത്ത് വൈസ് പ്രസിഡൻ്റ് അനസ് ഇബ്രാഹിം പാഠ്യേതര മികവ് പുലർത്തിയ കുട്ടികളെ ആദരിച്ചു. പി ടി എ പ്രസിഡൻ്റ് സുരേഷ് കെ എം ക്ലാസ് ടോപ്പേഴ്സിനെ അനുമോദിച്ചു.ബി എഡ് ട്രെയിനിംങ്ങ് കോളേജ് പ്രിൻസിപ്പാൾ ഡോ.എ പ്രമീള, എം പി ടി എ പ്രസിഡന്റ് ഷമീല അബ്ദുള്ള,

 സ്റ്റാഫ് സെക്രട്ടറി അനീഷ് കെ എസ്, ഹെഡ്മാസ്റ്റർ ദിലീപ് കുമാർ സി എസ്, ഹയർസെക്കണ്ടറി സ്കൂൾ പ്രിൻസിപ്പാൾ വിനോദ് കുമാർ കെ പി, വൊക്കേഷണൽ ഹയർ സെക്കണ്ടറി സ്കൂൾ പ്രിൻസിപ്പാൾ അജി എം എസ് തുടങ്ങിയവർ സംസാരിച്ചു. അനുമോദന ചടങ്ങിനുശേഷം പി ടി എ വാർഷിക പൊതുയോഗവും തെരഞ്ഞെടുപ്പും നടന്നു