NREGS ദിനം ആഘോഷിച്ചു.

മഹാത്മാ ഗാന്ധി ദേശീയ ഗ്രാമീണ തൊഴിലുറപ്പു പദ്ധതി (MGNREGA ) യുടെ   വാർഷികാഘോഷത്തിൻ്റെ ഭാഗമായി ഇടവെട്ടി ഗ്രാമപഞ്ചായത്തിൽ വാർഡ് 11, 12, 13 വാർഡുകളുടെ സംയുക്താഭിമുഖ്യത്തിൽ NREGS ദിനം ആഘോഷിച്ചു.  ഇടവെട്ടി ഗ്രാമപഞ്ചായത്ത് ഹാളിൽ വച്ചു ചേർന്ന ചടങ്ങിൽ ബ്ലോക്ക് പഞ്ചായത്ത് പ്രസിഡന്റ് ശ്രീമതി. സുനി സാബു ഉദ്ഘാടനം നിർവ്വഹിച്ചു.

ഗ്രാമപഞ്ചായത്ത് വികസന കാര്യ സ്ഥിരം സമിതി അദ്ധ്യക്ഷ ശ്രീമതി ഷീജാ നൗഷാദ് അധ്യക്ഷത വഹിച്ചു.തൊടുപുഴ ബ്ലോക്ക് പഞ്ചായത്ത് JBDO ഫസീല ദിലീപ് പദ്ധതി അവലോകനം നടത്തിഗ്രാമപഞ്ചായത്ത് വൈസ്   പ്രസിഡന്റ് ശ്രീ ലത്തീഫ് മുതിർന്ന തൊഴിലാളികൾക്ക് ആദരവ് നൽകി. ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ശ്രീ. അസീസ് ഇല്ലിക്കൽ മേറ്റുമാരെ ആദരിച്ചു. ഗ്രാമ പഞ്ചായത്ത് അംഗം അഡ്വ. അജ്മൽ ഖാൻ അസീസ് MGNREGA ഉദ്യോഗസ്ഥരായ ഫർസസലിം, അന്നു , അഞ്ജന ലിറ്റി എന്നിവർക്കുള്ള ആദരവ് നൽകി. യോഗത്തിൽ ഗ്രാമ പഞ്ചായത്ത് മെമ്പർ ശ്രീ. AK സുഭാഷ് കുമാർ,ആസൂത്രണ സമിതി ഉപാദ്ധ്യക്ഷൻ ശ്രീ. VSഅബ്ബാസ് തൊഴിലുറപ്പ് മേറ്റുമാരായ 
സജികുമാരി രവി , സലീന ഷാജി, സരസു KM എന്നിവർ  സംസാരിച്ചു. തുടർന്ന് തൊഴിലാളികളുടെ നേതൃത്വത്തിൽ കലാപരിപാടികൾ അവതരിപ്പിച്ചു.യോഗത്തിൽ ഹലീമ മലയിൽ സ്വാഗതവും, സക്കീന ഹനീഫ നന്ദിയും പറഞ്ഞു.