യുവാവിനെ കാറില്‍ കൈയ്യും കഴുത്തും ബന്ധിച്ച് കഴുത്തറുത്ത് കൊലപ്പെടുത്താന്‍ ശ്രമം.
ഇന്നുപുലര്‍ച്ചെ ഇതുവഴിയെത്തിയ വാഹനത്തിലെ ഡ്രൈവറാണ് കാറില്‍ ബന്ധിക്കപ്പെട്ട നിലയില്‍ സുമേഷിനെ കണ്ടെത്തിയത്.ഇയാള്‍ അടിമാലി പോലീസില്‍ വിവരം അറയിച്ചു.തുടര്‍ന്ന് പോലീസ് സ്ഥലത്തെത്തി സുമേഷിനെ ആശുപത്രിയിലേയ്ക്ക് മാറ്റുകയായിരുന്നു.
അടിമാലി;യുവാവിനെ കാറില്‍ കൈയ്യും കഴുത്തും ബന്ധിച്ച് കഴുത്തറുത്ത് കൊലപ്പെടുത്താന്‍ ശ്രമം.പരിക്കേറ്റ കുഞ്ചിത്തണ്ണി ഉപ്പാര്‍ മേപുതുശേരി വീട്ടില്‍ സുമേഷ് സോമനെ(38) അടിമാലി താലൂക്ക് ആശുപത്രിയില്‍ പ്രവേശിപ്പിച്ചു.
ജോലി കഴിഞ്ഞ് വീട്ടിലേയ്ക്ക് വരും വഴി ഇന്നലെ രാത്രി കല്ലാറുകൂട്ടിക്കും പനംകൂട്ടിയ്ക്കും ഇടയില്‍ അടിമാലിയില്‍ നിന്നും 10 കിലോമീറ്ററോളം അകലെ വിജനമായ സ്ഥലത്തുവച്ചാണ് സുമേഷിന് നേരെ ആക്രമണമുണ്ടായത്.
അഞ്ചംഗ സംഘം കാര്‍ തടഞ്ഞുനിര്‍ത്തിയഷേഷം കൈകള്‍ സ്റ്റിയറിംഗിനോടും കഴുത്ത് ഹെഡ് റെസ്റ്റിനോടും ചേര്‍ത്ത് ബന്ധിച്ചെന്നും കൈയ്യിലും കഴുത്തിലും മുറിവേല്‍പ്പിച്ചെന്നും മെെൈാബെല്‍ തട്ടിയെടുത്തെന്നുമാണ് സുമേഷിന്റെ വെളിപ്പെടുത്തല്‍.
ഇന്നുപുലര്‍ച്ചെ ഇതുവഴിയെത്തിയ വാഹനത്തിലെ ഡ്രൈവറാണ് കാറില്‍ ബന്ധിക്കപ്പെട്ട നിലയില്‍ സുമേഷിനെ കണ്ടെത്തിയത്.ഇയാള്‍ അടിമാലി പോലീസില്‍ വിവരം അറയിച്ചു.തുടര്‍ന്ന് പോലീസ് സ്ഥലത്തെത്തി സുമേഷിനെ ആശുപത്രിയിലേയ്ക്ക് മാറ്റുകയായിരുന്നു.
ഡ്രൈവര്‍ ആയി ജോലി നോക്കിവരുന്ന സുമേഷ് വിവാഹമോചിതനാണ്.ഇന്‍ഫോ പാര്‍ക്കിലെ ജീവനക്കാരിയും നാട്ടുകാരിയുമായ യുവതിയും സുമേഷും തമ്മില്‍ ഏതാനും വര്‍ഷങ്ങളായി അടുപ്പത്തിലായിരുന്നു.മൂന്നുവര്‍ഷം ഇവര്‍ ഒന്നിച്ച് താമസിച്ചു.പിന്നീട് മാനസീകമായി ഇവര്‍ അകന്നു.ഇതോടെ ഒരുമിച്ചുള്ള താമസവും മതിയാക്കി.
പിന്നാലെ സുമേഷ് സാമൂഹിക മാധ്യമം വഴി അപമാനിച്ചു എന്നുകാണിച്ച് യുവതി ഇന്‍ഫോപാര്‍ക്ക് പോലീസില്‍ പരാതി നല്‍കി.
താന്‍ താമസിക്കുന്നത് രാജാക്കാട് പോലീസ് സ്റ്റേഷന്‍ പരിധിയിലാണെന്നും അതിനാല്‍ പരാതിയിലെ അന്വേഷണം ഇവിടേയ്ക്ക് മാറ്റാണമെന്നും സുമേഷ് ആവശ്യപ്പെട്ടതായുള്ള വിവരവും പുറത്തുവന്നിട്ടുണ്ട്.
ഈ സാഹചര്യത്തിലാണ് സുമേഷിന് പരിക്കേറ്റിട്ടുള്ളത്.ഒപ്പം താമസിച്ചിരുന്ന യുവതി നല്‍കിയ കൊട്ടേഷന്‍ ഏറ്റെടുത്ത സംഘമാണ് സുമേഷിനെ ആക്രമിച്ചത് എന്നതരത്തില്‍ ചര്‍ച്ചകള്‍ സജീവമായിട്ടുണ്ട്. സംഭവത്തില്‍ അടിമാലി പോലീസ് കേസെടുത്ത്,അന്വേഷണം ആരംഭിച്ചു.
What's Your Reaction?
