ഇടുക്കി ഹാന്റ് ബോള്‍ പ്രീമിയര്‍ ലീഗ് ലോഗോ പ്രകാശനം ചെയ്തു
തൊടുപുഴ മുനിസിപ്പല്‍ ചെയര്‍മാന്‍ സനീഷ് ജോര്‍ജ് പ്രീമിയര്‍ ലീഗ് ചെയര്‍മാന്‍ എം.ബി.ഷെമീറിനും കണ്‍വീനര്‍ ബോബന്‍ ബാലകൃഷ്ണനും ലോഗോ നല്‍കി പ്രകാശനം നിര്‍വഹിച്ചു.
തൊടുപുഴ : രണ്ടാമത് സെന്റ് പോള്‍സ് ആയൂര്‍ വേദിക് ഇടുക്കി ഹാന്റ് ബോള്‍ പ്രീമിയര്‍ ലീഗ് ലോഗോ പ്രകാശനം ചെയ്തു. അസോസിയേഷന്‍ ജില്ലാ പ്രസിഡന്റ്.പി അജീവ് അദ്ധ്യക്ഷത വഹിച്ച യോഗത്തില്‍ തൊടുപുഴ മുനിസിപ്പല്‍ ചെയര്‍മാന്‍ സനീഷ് ജോര്‍ജ് പ്രീമിയര്‍ ലീഗ് ചെയര്‍മാന്‍ എം.ബി.ഷെമീറിനും കണ്‍വീനര്‍ ബോബന്‍ ബാലകൃഷ്ണനും ലോഗോ നല്‍കി പ്രകാശനം നിര്‍വഹിച്ചു.
സംസ്ഥാന സ്‌പോര്‍ട്‌സ് കൗണ്‍സില്‍ അംഗം.കെ ശശിധരന്‍, നൗഷാദ് വി.എസ്, അശ്വിന്‍ സത്യന്‍ എന്നിവര്‍ സംസാരിച്ചു. ലീഗ് ഡയറക്ടര്‍ റഫീക്ക് പള്ളത്തുപറമ്പില്‍ സ്വാഗതവും ബോബന്‍ ബാലകൃഷ്ണന്‍ നന്ദിയും അറിയിച്ചു.
മാസ്റ്റേഴ്‌സ് സ്‌ക്വാഡ് ഇടുക്കി, അല്‍ യമാമ തൊടുപുഴ, ഫ്‌ലിപ്പ് വേള്‍ഡ് വണ്ണപ്പുറം, ഡെനിം റിപ്പബ്ലിക് തൊടുപുഴ, ബ്ലാക്ക് ക്യാപ്‌സ് കുമാരമംഗലം, എന്‍.സി. കമാന്‍ഡോസ് കാരിക്കോട് എന്നീ ടീമുകളാണ് ലീഗില്‍ പങ്കെടുക്കുന്നത്.
കുമാരമംഗലം എം കെ എന്‍ എം സ്‌കൂള്‍ ഗ്രൗണ്ടില്‍ ഇടുക്കി ജില്ലാ ഹാന്റ്‌ബോള്‍ അസോസിയേഷന്റെ നേതൃത്വത്തിലാണ് ലീഗ് സംഘടിപ്പിച്ചിരിക്കുന്നത് വിജയ്കള്‍ക്ക് മച്ചിയാനിക്കല്‍ എബ്രഹം മെമ്മോറിയല്‍ ട്രോഫി നല്‍കും.
What's Your Reaction?
